Tonada, cantares de chigre, pandereta y baille esti vienres en La Semiente
0 comentarios
La Semiente de L’Entregu celebra esti vienres 12 de payares la décima edición del amagüestu. Nel, amás d’un amagüestu nel Parque La Llaguna, va haber nel Centru Social La Semiente música asturiana en directo coles actuaciones de la intérprete de tonada Elena Granda, del grupu del taller de pandereteres d’esti espaciu autoxestionáu y de la panderetera y cantante en 6 Riales Alba Casona. Tamién va haber folixa con cantares de chigre abierta a la participación de cualquier persona que quiera cantar y tocar un instrumentu. Les actuaciones van entamar a les 22h y llueu tamién va haber pinchada de Djs nes que van sonar otres músiques del mundu.
La programación completa pue vese nesti cartelu:
