Ún de Grao, Alicia Álvarez y Misiva actúen n’acabando la manifestación pola oficialidá
0 comentarios
La Xunta Pola Defensa de la Llingua Asturiana entama otru añu más una manifestación pola oficialidá del asturianu y del gallego-asturianu. Esti sábadu 6 a les 12h va arrancar de la Estación del Norte d’Uviéu esta movilización que va rematar na Plaza la Escandalera. N’acabando, tres artistes del país van dar un pequeñu conciertu que van axuntar tres estilos bien estremaos: Ún de Grao cola so tonada renovada, Alicia Álvarez cola so música pa la reciella y Misiva col so punk-rock -anque l’actuación va ser en formatu acústicu-. Ye una amuesa más del compromisu de la música asturiana cola reivindicación de los derechos llingüísticos del país.
