El Muséu Casa Natal de Xovellanos de Xixón vuelve acoyer el Ciclu Folk de Cámara «Igor Medio». Los vienres 16, 23 y 30 de xunetu van cellebrase estos conciertos de folk acústicu, ensin amplificación y en pequeñu formatu nel que toquen xuntos intérpretes de delles formaciones pa facer alcordanza del músicu xixonés Igor Medio, ún de los fundadores de Felpeyu, fináu en 2006 n’accidente de tráficu.
Nesta edición de 2021 van participar el 16 de xunetu Celia Corrales (voz), Celia Nieto (vigulín) y Julio Rodríguez (buzuqui); el 23 de xunetu Guzmán Marqués (vigulín), Adrián J. Argüelles (flauta) y Borja Vázquez (guitarra); y el 30 de xunetu Lisardo Prieto (vigulín), Juanjo Marqués (vigulín) y Xurde Wyn Mielgo Davies (buzuqui) . Tolos conciertos entamen a les 19.30h, son de baldre, y yá ta abierta la inscripción pa poder dir como públicu al traviés del corréu info.museojovellanos@gijon.es o del teléfonu 985 185 152.
Suscríbite a les nuestres novedaes
