Xosé Ambás, Nun Tamos Toes, Fruela 757 y Llevólu’l Sumiciu actúen nel programa de Fiestes Populares d’Uviéu

El pasáu viernes 10 de setiembre entamaron les fiestes de San Mateo n’Uviéu, caracterizaes por ser les primeres en décades nes que nun va haber los tradicionales chiringuitos dando asina’l gobiernu municipal un criticáu xiru al modelu festivu históricu de la capital. Sicasí, delles de les nueves casetes agrupaes baxo la plataforma Fiestes Populares, entamen una programación alternativa con DJs, actuaciones en directo, charres, teatru, mercaos y más actividaes.

Dientro de la programación d’estes casetes asitaes na Plaza La Catedral d’Uviéu tamién va haber espaciu pa la música asturiana. El llunes 13 a les 21.30h van actuar les pandereteres feministes Nun Tamos Toes y a les 22.30h el dúu d’electrónica de raigañu Llevólu’l Sumiciu. El turnu del DJ Fruela 757 va ser el viernes 17 a les 22h, mientres que Xosé Ambás va actuar la nueche del llunes 20. Toles actividaes son de baldre y los demás detalles van dir anunciándolos la plataforma Fiestes Populares nes sos redes sociales.

Dexa un comentariu

X