El Muséu Casa Natal de Xovellanos de Xixón vuelve acoyer el Ciclu Folk de Cámara «Igor Medio». Los vienres 3, 10 y 17 de payares van celebrase estos conciertos de folk acústicu, ensin amplificación y en pequeñu formatu nel que toquen xuntos intérpretes de delles formaciones pa facer alcordanza del músicu xixonés Igor Medio, ún de los fundadores de Felpeyu, fináu en 2006 n’accidente de tráficu.
Nesta edición de 2023 van participar el 3 de payares Gala Cernadas (vigulín), David Fernández (flauta y whistles) y Pablo Fernández (guitarra); el 10 de payares Iván G. Muñiz (uileann pipe), Toño González (whistles) y José Luis Díaz (guitarra, bouzuqui); y el 17 de payares Alberto Sánchez (flauta), Finbarr Naughton (mandolina, vigulón) y Alberto Ablanedo (bouzuqui) . Tolos conciertos entamen a les 19.30h y son con entrada llibre hasta completar aforu.
Suscríbite a les nuestres novedaes
