La música n’asturianu y les sos múltiples formes d’espresión vuelven protagonizar el fin de selmana con una axenda qu’entemez tradición, creación contemporánea y propuestes variaes en Mieres, Piloña, Villaviciosa, El Franco, Siero y Uviéu. Tola información ta na axenda de Musicasturiana.com y nes noticies publicaes.
Folixa na Primavera en Mieres
Mieres
Hasta’l domingu va haber baille y música tradicional, conciertos folk de dientro y fuera d’Asturies, tonada, talleres, sidra, gastronomía y más
19:00 — Ser quien a cantar
Sala Loreto (Colunga)
Propuesta escénica qu’axunta poesía, música y creación audiovisual coles voces de Sofía Castañón, Sara Friera, Daniela Cohen y Jimena Menéndez, nuna reflexón sobre l’espaciu públicu y la presencia de les muyeres.
20:00 — Manuel Arenas Pérez y Iván Tomás
Chigre La Maléfica (L’Infiestu, Piloña)
Actuación de gaita y canción asturiana nún de les chigres con programación estable d’asturianada.
20:00 — Ferla Megía
Residencia Musa Cafeína (Quintueles, Villaviciosa)
Propuesta multidisciplinar qu’amesta estilos como’l folk, hip hop, electrónica o trip hop.
20:00 — Bacotexo
Auditoriu As Quintas (A Caridá, El Franco)
Presentación del discu nuevu d’esti grupu de rock en gallego-asturianu con influyencies del rock clásicu internacional.
20:00 — DJ La Güeriata
Chigre La Maléfica (L’Infiestu, Piloña)
Sesión qu’entemez electrónica, tradi-fusión y soníos alternativos con presencia de música asturiana.
20:00 — Nueche en Danza
Llagar de Sorribes (Nava)
Eventu centráu nel baille y la música tradicional como filu conductor, impulsáu por colectivos venceyaos a la música’l mpaís.
11:30 — XIV Concursu de Canción Asturiana Conceyu Siero (2ª final)
Teatru Auditoriu (La Pola Siero)
Certame veteranu dedicáu a la tonada que llega a la so segunda final.
12:00 — Concursu de Canción Asturiana «Ciudad de Oviedo» (eliminatories)
Teatru Filarmónica (Uviéu)
Otra de les grandes cites de la canción asturiana, con fase eliminatoria abierta hasta finales de mayu.
Esta programación ta recopilada a partir de los datos publicaos na axenda de Musicasturiana.com, onde pue consultase más información, horarios actualizaos y llocalizaciones precises pa cada eventu
Consulta la axenda completa equí: https://musicasturiana.com/axenda/lista/
Suscríbite a les nuestres novedaes
