Un añu más Llanera vuelve a cellebrar el Conciertu de les Lletres coincidiendo cola Selmana de les Lletres Asturianes. Esta fecha yá ta convirtiéndose en referencial tanto pola so continuidá como pola calidá y diversidá del so cartelu, qu’esti añu entemez bandes de gaites, folk y rock n’asturianu. El sábadu 6 de 18h a 20h va facese l’Alcuentru de Bandes de Gaites nel que participen les bandes de Llanera La Madreña y Fonte Fuécara, la de Cangas de Narcea y la de Castrillón. A les 21h arranca’l conciertu cola bandina La Garrapiella, el cuartetu bal-folk La Bonturné, la música tradicional fusionada d’Algaire y el punk-rock d’Ochobre. Too ello ye de baldre y nel aparcaderu de la Casa Cultura de Pondal.
Suscríbite a les nuestres novedaes
