Algaire, tercera confirmación del Semando Fest

Algaire ye banda de Mieres formada poles pandereteres y cantantes Loreto Suárez, Iratxe Espina, Carla Miranda y el guitarrista Juan Yagüe, toes con una edá ente los 18 y 34 años. faen música tradicional fusionada con estilos contemporáneos como’l pop, rock o electrónica, p’asina averar los sones de raigañu a nuevos públicos. En 2022 publicaron el so primer discu, Coral y Maera, que van presentar nel Semando Fest y ganaron los prestixosos Trophée Loïc Raison del Festival Interceltique de Lorient y el XIV Premiu Camaretá al Meyor Cantar.