Alba Gutiérrez pon clases de pandereta n’avientu n’El Berrón

Los Kathedrale Studios ye l'espaciu onde la vocalista de L.luñe, Corquiéu y Cuévano va formar a la xente nesti instrumentu tradicional

Alba Gutiérrez ye ún de los máximos exponentes del folk cántabru y lleva dende los 4 años colos instrumentos na mano. Tien dellos de los gallardones más importantes de música tradicional de Cantabria, tien tocao con artistes como Xabier Díaz, Eliseo Parra, Xosé Manuel Budiño o Kepa Junkera, ye profesora de cantu y percusión y vivir en Cantabria, Asturies y Galicia dio-y munches esperiencies nes músiques de raigañu que’l mes qu’entra va compartir col alumnáu que s’apunte a les sos clases de pandereta.

La vocalista de L.lueñe, Corquiéu y Cuévano va entamar a poner clase nos Kathedrale Studios d’El Berrón (Siero). Quien tenga interés en recibiles, namás tien que contactar con ella a traviés d’Instagram, la rede social onde anunció esti proyectu nuevu. Cola incorporación d’Alba Gutiérrez, les posibilidaes de formase n’Asturies pa deprender a tocar la pandereta siguen medrando.

Llista d'espera Vamos informate cuando recibamos unidaes. Por favor déxanos embaxo una dirección válida de corréu electrónicu.