Del 27 de setiembre al 11 d’ochobre; durante más d’una selmana y media s’estiende la programación d’esti festival qu’entama l’asociación cultural Reciclarte, que pon el focu en dinamizar los pueblos nos conceyos de Casu, Sobrescobiu y Llaviana.
La programación entama con un eventu asociáu al festival, ‘El Guateque Vitorina’, que va tener llugar nel Restaurante La Pumará, n’El Condáu. Ellí, la música asturiana ta presente colos conciertos de Tania Pereira, Ferla Megía y Volantazu DJ, amás de los de Zahira, Cris Bardio, Maribel&Sebastián y Los Rodríguez del Límite.
El gruesu del festival concéntrase nos díes 3, 4 y 5 d’ochobre. Conciertos de baldre integren esta parte del festival nomada Ruíu Verde, y que va cellebrase n’El Campu. El vienres 3, van actuar Matöse, De Fem, Los Perloras, Los Míticos del Chimborazo, DJ Pimp, la DJ de folk y música pal baille La Güeriata, Jan the DJ y Marcos Bighouse. El xueves 4, ye’l turnu de Montefurado, Pablo und Destruktion, Tuya, La viuda de Angelín, Paul Val, Pelazo, Elena del Frade, Corín & Teyado, Les Casadiyeis y Condor & Urogallo. Pal domingu 5, tarán n’El Campu Blues&Decker y Improvised DJ.
Pal 11 d’ochobre, sorprende nel cartel ‘El Tesoru L’Argayu’, una ‘cita a ciegues’ con paséu n’un entonru rural y dos conciertos sorpresa n’un llugar especial, según anuncien. Amás, tan por anunciar más actividaes guiáes, rutes, proyeuciones, meses de debate, actividaes pa la reciella y gastronomía local.
Suscríbite a les nuestres novedaes
