Esti domingu 28 de setiembre va a cellebrase en Grau una nueva edición del Concursu y la Muestra de traxes tradicionales asturianos. ye un eventu entamáu pol Ayuntamientu de Grau y tien como patrocinador a la Caxa Rural.
Los premios del concursu van ser de 200 euros pa los primeros puestos, xunto con unes lligues conmemoratives. El segundu premiu va ser de 150 euros y el terceru de 100.
La xornada va entamar a les 11.00h delantre l’ayuntamientu, con xuegos pa neñes y neños col grupu Prau Llerón, y va haber mercáu, cola Banda Gaitas Conceyu de Grau amenizando. A les 13.00h, entama ‘Indumentaria 2025, Concursu y Muestra de traxes tradicionales asturianos’, cola música d’Octavio Trapiella y Dolfu Fernández. N’acabándose va armase una danza na plaza l’Ayuntamientu con toles persones que vistan traxe’l país.
Yá pela tarde, a les 17.00h, na Plaza’l Mercáu, va haber baille asturianu coles actuaciones de Ramsés Ilesies y Xosé ‘Ambás’, La Flor de Grau, Roge Feito y Clarita Braña, Sergio Catalán y Lolo Catalán, Rellume, Muyeres por Grau y Santi Galguera cola collaboración del Grupu Etnográficu l’Oriente.
Suscríbite a les nuestres novedaes
