Déxanos Diamantina Rodríguez, figura imprescindible de la tonada

Foi una de les muyeres pioneres dientro de la canción asturiana.

Dexónos a los 100 años d’edá una de les más grandes de la historia de la música asturiana, Diamantina Rodríguez. Foi una de les muyeres pioneres dientro de la canción asturiana. Heredera d’otra imprescindible, “La Busdonga”, entamó a cantar a mediaos del sieglu XX y a consolidase como una de les meyores voces de la tonada de tolos tiempos.

Compuso himnos como “Arboleda Bien Plantada”, recuperó’l cantar tonada al piano como fixeron los clásicos de l’asturianada de primeros del sieglu XX, desafió a la censura franquista dedicándo-y en 1971 un discu al Cancioneru del músicólogu exiliáu Eduardo Martínez Torner y cantando a los mineros delantre del xefe local de Falanxe en Mieres, a lo que ésti retrucó que “los mineros nun tienen alma”.

Ente otres munches más coses, tamién foi mayestra y inspiración pa les xeneraciones de cantadores posteriores. Güei figures como Anabel Santiago, Marisa Valle Roso, Liliana Castañón o incluso Rodrigo Cuevas, son herencia del so llegáu y grabaron cantares homenaxeándola.

Dexa un comentariu

X