Dieciocho grupos participen na VI Xuntanza de Grau

Esti miércoles 4 de xineru la Casa la Cultura de Grau acueye l’eventu VI Xuntanza Los Sones de la Navidá Asturiana 2023. Nél van participar un total de dieciocho agrupaciones folclóriques, grupos de baille, bandines y grupos de música pa enllenar de tradición la villa moscona dende les 19.30h.

L’actu ta entamáu pol Archivu de la Trad. Oral d’Ambás y la Conceyalía de Cultura de Grau y nél van participar: Alba ya Consuelo, Ana Lena, L’Andecha Folclor d’Uviéu, L’Artusu, El Corriellu la Pandorga, Escontra’l Raigañu, Goyi de La Borbolla, Llioneses, Muyeres por Grau, Perendengue, El Prau Llerón, La Quintana, Seis Riales, Trebeyu, TresPorDios, Vezos Astures, Xeitu, y Ambás, Dolfu, Marga ya Ramsés