Esti fin de selmana’l Centru Asturianu de Barcelona celebró’l Día d’Asturias y la Romería del Ramu con una programación qu’incluyó actos institucionales, gastronomía, música tradicional, deporte y un conciertu d’Eva Hevia. Dientro de los actos, esta entidá que lleva 95 años asitiada na capital catalana distinguió a l’Asociación Cultural Llacín de Porrúa (Llanes) concediendo-y la Medaya d’Oru pol so llabor cultural. El so presidente, Germán Gutiérrez Romano, fixo al empar el discursu d’apertura d’esta celebración, qu’entituló «La tradición hecha cultura».
L’Asociación Cultural Llacín nació en Porrúa en 1993 cuando una familia d’emigrantes en Méxicu donó una finca de 10.000 metros cuadraos a cambiu de qu’esta tuviera un usu cultural. Ellí asítiase’l Muséu Etnográficu del Oriente d’Asturies y desenvuélvense una montonera d’actividaes nos que la música’l país ye la protagonista; les más señalaes son la Esbilla, Llaciniegu, Porrúa en Bolas, la Muestra de Tonada Asturiana o’l Mercáu de Porrúa.
Suscríbite a les nuestres novedaes
