Ochobre sigue enllenando’l país de música esti fin de selmana con folk, rock, tonada, baille y bandes de gaites. El festival FolkAyer en Morea, el conciertu de 6 Riales en Morcín y l’actuación de la bandina Los Gascones en Sobrescobiu son los eventos qu’hai na axenda ente güei y el domingu. Esti ye’l resume de tola programación:
Los díes 18, 19 y 20 d’ochobre Morea va ser l’escenariu del FolkAyer, un eventu qu’axunta actuaciones de bandes folk asturianes, gallegues y anglo-irlandeses; alcuentru de bandes de gaites; asturianada; taller de baille, mercáu tradicional y gastronomía. Too ello dientro d’una carpa asitiada na zona del polideportivu, con entrada de baldre y serviciu d’autobuses ente Mieres, Morea y Felechosa tola nueche.. La programación completa puede consultase equí:
Suscríbite a les nuestres novedaes
