Poques son les oportunidaes pa ver en directo a La Banda… Latira!, una de les formaciones más llamatives de la escena asturiana y bretona. Los más de 1000 kilómetros que separen a los sos componentes faen que seya difícil poder ver un conciertu d’esti quintetu; sicasí, esti sábadu 22 d’agostu en Llanes ye una d’eses oportunidaes. A les 20.30h el Casinu acueye l’espectáculu d’esta bandina enérxica y folixera qu’axunta les músiques tradicionales d’Asturies y Bretaña cola composición propia. Les entraes gratuites pueden acutase equí.
La Banda… Latira! ye una formación astur-bretona creada hai 15 años. La so propuesta musical y estética axunta melodíes tradicionales, mesmo asturianes como bretones, arreglaes con tratamientos armónicos propios d’estilos actuales, que van dende la música llatina al rock, pasando pelos sones d’Europa del Este, el funk o’l afrobeat.
Tres de llevar tou esti tiempu pisando escenarios y cais d’Asturies y Bretaña, la banda formada Diego C. Camiña (percusiones y voz), Floriane Legros (curdión y voz), Rodrigo Joglar (gaita asturiana y voz) y Nicolas Radin (saxofón barítonu, voz y direición artística), asoleyó en 2024 el so primer discu La Banda… Latira!, un álbum nel que reflexen la so filosofía y vitalidá a traviés d’onde temes grabaos ente los Tutu Estudios y Bretaña. Nel conciertu d’esti sábadu en Llanes pue vese un reflexu de too esto.
Suscríbite a les nuestres novedaes
