El Mercáu de Porrúa ye una cita enllena de cultura tradicional y música asturiana. Asina lo amuesa’l so programa d’esti añu, con teatru, circu, baille, grupos folclóricos, pasucáis y conciertos.
El sábadu 23 d’agostu, un pasacáis entama’l mercáu a les 12.30h, con presencia de músicos y grupos folclóricos. A les 12.45h, Héctor Braga va ser l’encargáu de facer el pregón, y dempués, el grupu Filandón va tar baillando, a les 13.00h y a les 14.30 h.
Pela tarde, a les 17.30h va haber otru pasacáis con música, y a les 18.00h, actúa la Bandina Llacín. Xusto dempués, a les 18.45h, l’Asociación d’Intérpretes de Canción Asturiana va ufrir una muestra de tonada, y Filandón van tar baillando otra vegada durante la tarde. A les 20.00h, va tener llugar un conciertu nel que participen los Gaiteros de Llacín, el Grupu Etnográficu L’Oriente, Trebeyu y Los Gascones.
Al día siguiente, domingu 24, entama’l día otru pasacáis, a les 12.30h. Héctor Braga va tar pregonando a les 12:45, y Filandón van baillar a les 13.00h y a les 14.30h. Pela tarde, pasacáis a les 17.30h y pregón con Héctor Braga a les 17:45. A les 18.00 ye’l turnu de Gaiteros de Llacín, siguíos de Filandón a les 18.40h y a les 20.30h, y pela nueche, a les 21.30h, miembros de la A.C. Llacín van tocar música pal baille.
Suscríbite a les nuestres novedaes
