Los xueves de marzu hai cita nel RIDEA (Real Instituto de Estudios Asturianos) p’afondar nel conocimientu de la música de raigañu. Col títulu Jornadas sobre etnografía y música tradicional Daniel García de la Cuesta y Ángel Villa Valdés coordinen una serie de conferencies que van facese a les 19h nel salón d’actos del RIDEA, n’Uviéu. L’archivística y catalogación, el trabayu de campu, la iconografía y la construcción d’instrumentos son dalgunos de los temes que van tratar.
Les xornaes arranquen esti xueves 2 cola ponencia Música tradicional, archivística, catalogación, preservación de fondos y divulgación didáctica d’Alfonso Fernández García, director del Muséu de la Gaita del Pueblu d’Asturies. A la selmana siguiente ye’l turnu de los músicos y etnógrafos Xosé Antón Ambás y Ramsés Ilesies, que van falar de Música tradicional. Trabajo de campo e investigación.
Pal xueves 16 a les 19h el músicu y investigador Daniel García de la Cuesta va dar la conferencia La imagen de la música y los músicos en la historia de Asturias: iconografía y ámbitos de estudio, mientres que’l ramu va ponelu la charra La construcción d’instrumentos tradicionales en Asturias, impartida polos artesanos y músicos Jesús Solís, Alfonso Fernández Álvarez y Pelayo Fernández.
Suscríbite a les nuestres novedaes
