Corquiéu publica’l cantar “Villa Antroxada”

Corquiéu publica un cantar nuevu nes plataformes dixitales. Trátase “Villa Antroxada” y pertenez a una grabación fecha nel 2018 pal llibru-CD d’artistes ribeseyanos Ribadesella en 4. La obra ta compuesta por Corquiéu, tien lletra de Xandru Martino y temáticamente «ta dedicáu al característicu mercáu de los miércoles en Ribeseya y a tola xente que trabaya nos mercaos», como apunta’l grupu nes sos redes sociales.

Corquiéu ye ún de los grupos más destacaos de la escena folk d’Asturies. Formos en 1997 en Ribeseya, les sos canciones son reellaboraciones de pieces tradicionales y composiciones propies onde s’alcuentren soníos de calter celta, pop y acústicu. Con trés discos publicaos y dellos premios musicales algamos, ye una de les bandes d’equí con más sonadía internacional; xiraron per más de 10 países europeos, tocaron nos festivales más renomaos del xéneru y hasta’l so cantar “Ribeseyana” foi versionáu en Xapón, ún de los países onde más fans tienen. Les lletres de la formación tán escrites pol escritor ribeseyanu Xandru Martino.

Mercar discos de Corquiéu na tienda online