La xente siguidora del rock astur tien de marcar nel calendariu los díes 28 y 30 d’agostu porque va haber dos eventos nos qu’actúen tres de los grupos d’esta escena: Skama la Rede, La Tarrancha y Ochobre. La formación ska-punk Skama la Rede va tocar el xueves 28 a les 20h en Las Dunas (Verdicio), espaciu al aire llibre nel que yá tuvieron l’añu pasáu nun conciertu perbién recibíu pol públicu.
Per otru llau, el sábadu 30 d’agostu ye’l Rockvera, festival de música rock, punk y metal qu’axunta formaciones de dientro y fuera d’Asturies. El Teatru Llar de Les Vegues, en Corvera, va acoyer los conciertos de la banda mecigayu-ska La Tarrancha y del grupu punk-folk Ochobre, que tán presentando’l so trabayu nuevu La rabia nos dientes. Les dos cites son con entrada gratuita y ye una de les poques cites qu’hai n’agostu colos grupos que formen la escena de rock astur.
Suscríbite a les nuestres novedaes
