El Zarréu Fest, el XXI Alcuentru de Bandes de Gaites de Castrillón y dellos conciertos protagonicen l’axenda del fin de selmana

Toquen Corquiéu, Herbamora, Algaire, Skama la Rede, Calea, Marisa Valle Roso, La Bonturné, Vero Rubio y Los Gascones

Eventos

La música’l país tien seis cites nesti fin de selmana últimu de xunu. Les más destacaes d’elles son la del Zarréu Fest, que del vienres al domingu va acoyer los conciertos de Corquiéu, Herbamora, Algaire y Skama la Rede, y el XXI Alcuentru de Bandes de Gaites de Castrillón nel que van actuar el sábadu 28 en Piedrasblancas dende les 19h les formaciones asturianes BG Castrillón y Saxum.

L’axenda complétase colos conciertos el vienres 27 de Calea en Corvera (Teatru La Llechera de Cancienes, 19h), Marisa Valle Roso nel Casinu de Llanes (19.30h) y La Bonturné en Cabranes (20h). Pal sábadu 28 Vero Rubio toca en La Llocura de Mieres (19h) y el domingu Los Gascones en Bimenes a les 13.30h.

Tola programación detallada d’equí a los próximos meses pue vese na Axenda de Musicasturiana.com.

Na semeya: Algaire na edición pasada del Zarréu Fest.