Dende güei y hasta’l 9 d’agostu va cellebrase en Xixón la XXV edición de Festival Internacional de Gaites Villa de Xixón, Charres, muestres, talleres y conciertos formen el programa d’esti eventu consolidáu nel calendariu de la escena tradicional y folk. Güei martes la Plaza’l Parchís acueye a les 18h la charra «Homes Pandereteros», con Ambás y Ramsés y a les 19.30h un conciertu de Borja Baragaño.
Pal martes 5, a les 12.00h arranca la programación con un taller infantil de construcción d’instrumentos tradicionales, de baldre, previa inscripción. A la 13.00h, Va haber una actuación de la Bandina Villa de Xixón na Cai La merced, y ente las 13.00 y les 16.30h, teatru de títeres na Escuela de Comercio. A les 18.00 tornen les charres con «Xoyería nel traxe asturianu», a cargu de L. López, na Plaza del Parchís, siguía d’un conciertu de Cifuentes, Stoltz y Cía, a les 20.00h.
El miércoles 6, a les 13.00h, va haber otra oportunidá de sentir a la Bandina Villa de Xixón, en Parchís, y a les 17.30h va entamase una Fest Noz cola Bagad Panvrid, na mesma llocalización. A les 19.00h, na Escuela de Comercio, va tener llugar la presentación del documental «Las gaitas conquistan NY», y yá a les 20.00h, conciertu de los gallegos Comando Curuxás, de vuelta na Plaza de Parchís.
El xueves 7 ta protagonizáu poles bandes de gaites; a les 17:00, la Bagad Panvrid va ufrir un conciertu en Parchís. A les 18.00h, entama una cata de cerveces asturianes na carpa sita na plaza’l Parchís, y a les 19.00 va volver a sentir a la Bagad, esta vez, nel Paséu de Begoña. A la mesma hora, va poder sentise na Plaza d’Italia, Los Xeremies de Mallorca, y a les 20.00h, a la BG Cardielos, de Portugal, nel escenariu de la Plaza’l Parchís.
El vienres 8 d’agostu, a les 12.00, la BG Caldelas/Cardielos tornará a tocar en Parchís, siguía de Xeremiers, a las 13.00h. A les 19.00, va haber actuaciones de les bandes de gaites en diferentes places de xixón, y a les 20.00h va facese un desfile intercélticu dende La Escalerona hasta la Plaza Mayor. Ellí, a les 21.30h, va tener llugar la Gala del XXV Festival Internacional.
Pa rematar el festival, el sábadu 9 a les 18.30h va facese un «conciertazu pal baille» nel escenariu de Parchís, pero yá pela mañana va poder esfrutase d’una muestra d’artesanía y bailles de Rumanía, de les BG Villa de Xixón, BG Jovellanos y BGI Magüeta en Parchís, amás d’otru taller infantil de xuegos tradicionales, de baldre previa inscripción. A les 14.00h, nel mesmu sitiu, va cellebrase una folixa intercéltica con comida popular, y pa les 17.00, enantes del conciertu de clausura, toquen Picarós.
Suscríbite a les nuestres novedaes
