«Esi procesu de facer vidable una tradición musical de raigañu rural a un entornu mayoritariamente urbanu: ahí aplícase’l celtismu musical»

La Fundación Belenos y Goxe Producciones espublizaben apocayá’l llibru tituláu El Celtismu Musical Asturianu, una obra llamada a convertise nun clásicu de la bibliografía alredor del fenómenu folk n’Asturies. Nes cásique 245 páxines van esgranándose temes como los anicios d’esti movimientu musical n’Europa y n’Asturies, la so trayectoria y evolución, la influyencia n’estayes como’l baille o la conexón col mundu del rock; trátase d’un volume colectivu nel que participen bien d’estudiosos y espertos qu’ufierten una visión plural y poliédrica sobre esti asuntu.

El coordinador de la obra ye l’escritor y investigador del celtismu asturianu Ignaciu Llope Fernande (Cuideiru, 1962), quien aporta’l testu central del llibru, un trabayu documentáu y fondu sobre la historia d’esta escena sonora y lo que ye y representa la Música Celta a nivel européu y asturianu. Llope ye ún de los mayores espertos d’esti fenómenu, con bien d’artículos y testos nos que tresciende l’aspectu musical pa reflexonar sobre la so importancia social o la so aportación a la (re)creación d’identidaes contemporánees. Por cuenta d’esta novedá, asoleyamos una entrevista na que fala posao y fondamente sobre too ello.

Merca’l llibru El Celtismu Musical Asturianu

Dexa un comentariu

X