L-R publiquen un cantar nuevu n’homenaxe al grupu Low

El pasáu vienres asoleyó en toles plataformes dixitales One Special Gift, un compilatoriu n’homenaxe al grupu estaunidense Low nel que participa L-R. Dende Born Music -axencia de contratación cola que trabaya’l dúu post-folk- entamaron esti discu pa facer alcordanza de Mimi, componente del grupu que morrió por un cáncer d’ovarios l’añu pasáu, y pa donar la recaudación a l’Asociación Española Contra el Cáncer. L-R participen versionando’l cantar “Monkey“.

«Hai xente que yá infinita. Mimi ya Alan, Low fonon, son ya sedrán eternos. Fae ya muncho que la so música abriónos en canal. Con ellos deprendimos a siguir trazando llínias de fuga ya siguir amando cada nota ya cada compás de lo que faemos. Mimi ya nun ta ente nós pero la so música inda sigui medrando nos nuesos corazones», comentó L-R nes sos redes sociales pa presentar esti cantar. Amás, Rubén Bada y Leticia Baselgas despliquen a Musicasturiana.com qu’esta banda foi «mui importante pal Xixón Sound y influyó al desarrollu del indie en Xixón». Mesmamente, los xixoneses Elle Belga tamién participa nesti compilatoriu xunto a otres bandes del estáu español. L’álbum pue mercase yá a traviés de bandcamp y sentise nes plataformes musicales.

Merca los discos de L-R

Dexa un comentariu

X