L-R y Fruela 757 toquen esti sábadu nel 15 aniversariu de La Caxa Músicxs
0 comentarios
Va 15 años na cai del Buen Sucesu de Xixón abría La Caxa de Músicxs, un espaciu cultural autoxestionáu qu’en tou esti tiempu acoyó conciertos, jam sessions, folixes, alderiques, ensayos, amás de puxar pola cultura de Xixón en xeneral puxando por iniciatives como Siente Xixón. Pa festexalu, el colectivu celebra la so fiesta de cumpleaños esti sábadu 27 de mayu de 13h a 21h nel Muséu del Pueblu d’Asturies. Ente otros grupos del país, van actuar los artistes de la música n’asturianu L-R y el Dj Fruela 757. La entrada ye de baldre.
