Dixebra y Los Gascones toquen na sala Albéniz de Xixón pol 25 de mayu

Esti 25 de mayu cúmplense 215 años de la declaración de soberanía per parte de la Xunta Xeneral d’Asturies en 1808. Pa festexar esta fecha y coincidiendo cola campaña electoral, Podemos Asturies entama un conciertu na sala Albéniz de Xixón. Esti xueves dende les 18.45h va entamar l’actu nel que va actuar la bandina popular Los Gascones a les 19h y Dixebra a les 20.15h. Amás va haber un conciertu del grupu avilesín de punk-rock Fe de Ratas y delles intervenciones polítiques, ente elles la de Xune Elipe, cabezaleru de Dixebra y númeru 2 de la candidatura de la formación morada a la Xunta Xeneral. L’eventu ye de baldre.