Pablo Martínez (Llanera, 1986) ye compositor, guitarrista y ún de los vocalistes de Desakato. Tamién ye componente de Senador y fundador, productor y técnicu de soníu d’OVNI Estudio, una vieya nave industrial de piedra reconvertía n’estudiu de grabación en Bonielles (Llanera). Siempre comprometíu cola llingua asturiana, el prósimu 11 de payares va despidise de los escenarios con Desakato, la banda na que lleva tocando dos décades y cola que llegó a la cume de la escena del rock estatal.
Con él siguimos cola estaya «La Banda Sonora De…«, una serie d’entrevistes de personalidá acompañaes d’una playlist de Spotify na que cada persona entrevistada escueye los 20 cantares que más-y presten.
Songs for the deaf de Queens of the Stone Age.
De Havalina.
La tierra prometida.
«Mio ma apuntóme a clases de piano con 4 añinos, asina que supongo que con 5 o 6 años yá di’l primer conciertu»
Cuando tenía 4 añinos, mio ma apuntóme a clases de piano, na escuela municipal de música de Llanera. Supongo que con 5 o 6, yá di´l primer conciertu. Recuérdolo con munchos nervios pero valióme pa dir avezándome al escenariu.
Que la xente te pregunte siempre que a qué te dediques aparte de ser músicu, a mi personalmente paezme una falta de respetu y diz muncho de lo que la sociedá piensa del mundu artísticu y intelectual.
Apoyar iniciatives culturales al marxen de l’alministración; a asociaciones y colectivos que faen coses interesantes pero con mui pocos medios. L’inxeniu vien cuasi siempre de persones comprometíes col arte y les instituciones producen encorsetamientu. Asina qu’intentaría universalizar más l’accesu a la cultura dende l’ámbitu asociativu.
«Apoyaría a asociaciones y colectivos que faen coses interesantes pero con mui pocos medios. L’inxeniu vien cuasi siempre de persones comprometíes col arte y les instituciones producen encorsetamientu»
Los tres grandes referentes que tuvi siempre que facíen y faen música n’asturianu son Dixebra, Mala Reputación y Nuberu. Hai munches otres, pero estes tres bandes marcáronme muncho.
Gústame bastante Leiva y nun me gusta nada reconocelo jejeje.
Gustaríame atopame dalgún día con Ignatius Farray, creo que sería una nuechi de “farray” mui prestosa.
Suscríbite a les nuestres novedaes
