Esti fin de selmana, los conceyos de Siero, L.lena, Grau, Uviéu, Salas y Llanes acueyen seis eventos nos que va haber conciertos, baille tradicional, poesía, asturianada y muncha cultura’l país. Les dos caberes cites cola XLIV Selmana del Folclor Astur qu’entama’l GFI El Ventolín abren la programación. A les 20h, les escueles de música tradicional d’El Ventolín, el GBT Fitoria y la Herri Arte Eskola d’Errenteria van actuar nun Festival Folclóricu na sala grande del Auditoriu de La Pola. Al otru día, estes xornaes finen col espectáculu Asturiar Konexiona a cargu de la Herri Arte Eskola, tamién a les 20h nel C.E.P.I de Llugones.
Amás, el vienres entama’l XX Mercáu Tradicional La Flor de L.lena, que va enllenar hasta’l domingu’l barriu La Caleya de La Pola de conciertos folk y rock, pasucáis, tarde en danza, alcuentros, canción asturiana y actuaciones d’agrupaciones tradicionales, amás d’otres actividaes culturales que puen consultase nesti enllaz.
El sábadu, la plaza Trescorrales d’Uviéu acueye’l festival de poesía escénica Voces del fornu dende les 19h, onde El Velcro (Pablo X. Suárez y Dudu García) van amosar el so proyectu de spokenword electrónicu n’asturianu. A les 20.30h, en Salas, 6 Riales ponen la so percusión y voces tradicionales al XXXIV Certame del Quesos d’Asturies. Nun tamos toes zarren l’axenda del fin de selmana con una actuación a les 12.30h del domingu na Parrilla La Veguca de San Roque del Acebal (Llanes), poniendo’l ramu a la MELLA (Muestra Intercultural de Cine, Educación y Archivo).
Tola programación d’equí a los próximos meses pue vese na Axenda de Musicasturiana.com.
Suscríbite a les nuestres novedaes
