L’alcuentru profesional de la industria musical ‘Música en Rede’ presenta’l so programa completu

La industria musical d’Asturies yá tien el so primer alcuentru profesional gracies a Música en Rede, un alcuentru entamáu pol gobiernu asturianu que se va facer del 16 al 18 d’abril en Llaboral Ciudá de la Cultura. Nél va haber sesiones formatives, meses redondes, alcuentros comerciales, presentaciones de proyectos y trece showcases -de los que seis van ser d’artistes de música n’asturianu-. El programa yá pue consultase na páxina web d’esti congresu, na que tamién se pueden inscribir enantes del 12 d’abril les persones profesionales que quieran participar nél.

La primer edición de l’amuesa va tener una programación diversa que se va dividir en secciones pa fomentar la interacción ente artistes, profesionales y públicu. Destacaos profesionales de la industria musical estatal van protagonizar la sección Erbíes y Conxustes. La primera va constar de cinco sesiones formatives a manera de talleres especializaos que van abordar aspectos como l’asesoramientu llegal, programación, xestión, creación d’audiencies, sostenibilidá n’eventos y calendarios. La segunda van ser tres meses redondes que van xirar alredor del asociacionismu, internacionalización y medios de comunicación.

En paralelu, l’amuesa va cuntar con En Rede, un puntu d’asesoramientu atendíu por profesionales espertos pensáu pa tratar de solucionar inquietúes y duldes sobre aspectos de calter técnicu: resolución de consultes llegales vinculaes a l’actividá artística (derechos d’autor, IAE, convenios…), accesu a subvenciones y ayudes pal sector musical, cuestiones a tener en cuenta na comercialización de proyectos. Amás va haber Xuntes Comerciales y dos presentaciones curties de proyectos baxo’l nome de Rolda.

Trece showcases

Amás de la formación, los negocios y l’alderique, les actuaciones en vivo tamién va tener un papel destacáu en Música en Rede col nome de Llabor. L-R, Mapi Quintana, José Manuel Tejedor, Algaire, Ferla Megía y Héctor Braga van ser los nomes de la música n’asturianu que van participar nestos showcases xunto a otros siete artistes d’Asturies: Elena del Frade, Fee Reega, Galgo, Alberto & García, César Latorre Trio, Pablo Canalís y Mardom.

Música en Rede ye’l primer eventu d’esti calter que se fai n’Asturies, tres décades d’esperiencia d’esti tipu d’alcuentros notres comunidaes autónomes del Estáu español. Sicasí, l’eventu asturianu destaca por ser la propia Conseyería de Cultura, Política Llingüística y Deporte quien lu entama, dándo-y un calter públicu. D’esta manera, la conseyera Vanessa Gutiérrez, destaca que’l Principáu quier «abordar de la mano del sector temes del so interés p’ayudar a visibilizalu y profesionalizalu» y que l’oxetivu d’esti eventu ye «amosar el talentu de los nuestros artistes de la que se xeneren espacios d’alderique y se favorecen nueves dinámiques de collaboración y desenvolvimientu».

RESUME DE LOS CONTENÍOS Y PROFESIONALES. MÁS INFORMACIÓN NEL PROGRAMA

  • Erbíes. Talleres formativos de:
    – Desarrollo de aspectos técnicos y legales en las propuestas artísticas, con Patricia Hermida (Asociacion Galega de Empresas Musicais)
    – El papel de la persona encargada de la programación en la gestión y organización de eventos, con Germán Quimasó (Sonde3) y Jordi Lauren (PlayPlan)
    – La creación de audiencias, con Georgia Taglietti (The International Consulting Network for Arts&Culture)
    – Las herramientas público/privadas para el desarrollo de proyectos musicales sostenibles, impartida por Xavier Cester (ICEC)
    – Los calendarios y cronogramas en la producción musical, con Rómulo Sanjurjo (Jau Cultura).
  • ConxustesMeses redondes sobre:
    – Asociacionismo y profesionalización del sector, con Patricia Hermida (AGEM), Manuel Alonso (Músicas Ao Vivo), Bree Delian (Llar) y Pilar Aguilar (Sympathy for the Layer)
    – Modelos de internacionalización musical, con Lidia Hinojo (Fira Mediterrània de Manresa) y Armand Llácer (Fira Trovam)
    – Medios de comunicación y música: estado de la cuestión, con Sandra Costa (La Costa Comunicació), Bea Camiña (Produtriz Agency) y Ana Gómez de Castro (Live Nation).
  • LlaborActuaciones de Elena del Frade, Galgo, L-R, César Latorre, Ferla Megía, Pablo Canalís, Fee Reega, Mapi Quintana, Alberto & García, José Manuel Tejedor, Algaire, Héctor Braga y Mardom.
  • Puntu d’asesoramientu En Rede, nel que van participar Bea Camiña (Produtriz Agency), Patricia Hermida (AGEM), Rubén Otero (Luneda), Manuel Alonso (Músicas Ao Vivo) y Pilar Aguilar (Sympathy for the Lawyer).
  • Rolda. Un mínimu de 20 presentaciones de 5 minutos caúna.
  • Xuntes Comerciales breves pa promover los intercambios ente empreses (artistes y promotores o distribuidores) y los programadores y xestores culturales

El nome

Dexa un comentariu

X