L’axenda d’agostu remata con diez cites cola música’l país

Acaba agostu y diez conceyos del occidente y del centru d’Asturies van acoyer los últimos eventos del mes. Dientro de l’axenda destaquen festivales como la 40 Noite Celta de Porcía, l’Encuentro Cultural de Las Polas de Asturias y León, el Pitafesta en Bual, Folixa de Nortes en Teberga y una edición nueva de Súbite a la tenobiera en Carreño. El folk ye l’estilu musical que va protagonizar los eventos y esti ye’l resume de tola programación:

40 Noite Celta de Porcía

Porcía, nel conceyu d’El Franco, acueye la cuarenta edición de la nueche celta más veterana d’Asturies que nesta ocasión va durar dos díes.

• Vienres 30 a les 20.30h nel mesón El Fornello: presentación de Daón de Beleño y del llibru El Celtismu Musical Asturianu; espicha y Noite en Danza con Herbamora y Startijenn.
• Sábadu 31 dende les 21.30 n’Alameda de Porcía: Banda de Gaitas Marino Tapiega, Guieldu, Llan de Cubel, Startijenn y Deira.

Encuentro Cultural de Las Polas de Asturias y León

La Pola Vieya, n’Ayer, acueye esti eventu’l sábadu 31 con una programación de delles actividaes ente les qu’hai esta programación musical:

• 10h: Pasucáis con Banda Gaites El Gumial, Les Ayalgues d’Ayer, Folklore Allerán, L’Andecha Turcipié, Pandereteras de Somiedo y Grupu Folklóricu Virgen del Otero de Llaviana.
• 12.30h: Actuación de los grupos na carpa.
• 16.45h: Actuación de los grupos pel pueblu.
• 19h: Felpeyu.
• 20.30h: Bandina Andecha Turcipié.

Súbite a la tenobiera

El Valle, en Carreño, acueye otru alcuentru más del ciclu ambulante Súbite a la tenobiera. Nél va haber visites guiaes, música, teatru y talleres y la programación musical ye esta:

• La Folixa (grupu de baille de muyeres) a les 18.30h.
• Mariluz Cristóbal Caunedo a les 19h.

Más conciertos

• Vienres 30 en Grau a les 20h na Plaza Xeneral Ponte: Banda & Muñalén.
• Sábadu 31 en Casu a les 12h: Los Gascones.
• Sábadu 31 en Teberga a les 13.30h na Taberna Narciso (Folixa Nortes): Xuacu Amieva.
• Sábadu 31 en Bual a les 14h nel Pitafesta: Nun Tamos Toes.
• Sábadu 31 en Santalla d’Ozcos a les 18h: Los Gascones.
• Sábadu 31 n’Uviéu a les 19h nel Merenderu Casa Corzo: Odón Paganéu.
• Sábadu 31 en Teberga a les 22h nel Plaza del Xeneral Gonzalo González: Fesoria a les Ortigues.

Mercar discos de los artistes qu’actúen esti fin de selmana