Dende que’l proyectu musicasturiana.com abrió la tienda online con 150 referencies a finales de payares de 2017, vien incorporando pasín a pasu nuevos CDs, llibro-discos y vinilos al so catálogu. Dende esta selmana yá tán disponibles el trabayu nuevu de Bear, The Storyteller, L’Ermitañu que coronó les nubes, y l’EP Canciones populistas de Nacho Vegas, lo que da un total de más de 420 referencies físiques a la venta.
L’Ermitañu que coronó les nubes ye’l CD nuevu de Bear, The Storyteller, alter egu Rafael Merina Guerra, un músicu orixinariu de Jerez de la Frontera (Cádiz) que dende guah.e siempre tuvo una conexón con Asturies y qu’actualmente vive en Piloña. Tres llanzar 3 EPs ente 2015 y 2023, l’artista publica agora’l so primer llarga duración; un álbum de música instrumental acústica influenciada pol post-rock, post-metal y neofolk onde l’asturianu ta presente nel nome del álbum y en dalgunos de los títulos de los cantares.
Per otru llau, Canciones populistas ye un vinilu en 45 RPM que recueye los temes que dan forma a esti EP del cantautor xixonés Nacho Vegas. Publicáu en 2015, inclúi los cantares n’asturianu “Vinu, cantares y amor” y “L’afoguín”.
Suscríbite a les nuestres novedaes
