Nel principiu d’esti sieglu la música d’espresión asturiana vivía un momentu afayadizu, con bien d’iniciatives, alcuentros, bandes y solistes, qu’aportaben bayura y dinamismu. Sicasí, cola crisis financiera mundial del añu 2008 esta situación veríase afectada fondamente, cola desapaición de muncha de la infraestructura creada nes décades anteriores.
Nos primeros años de los 2000 ye cuando se produz l’actividá d’un grupu mozu llamáu Calcañu, del que pocos datos más hai. Taba formáu por cinco rapazos que desarrollaben un estilu folk-rock, con instrumentación electro-acústica (flauta, gaita, saxu, guitarra, baxu…); taríen poco tiempu n’activo y llegaríen a grabar esta maqueta casera con tres pieces, bien representativa del soníu que queríen ufiertar. Calcañu puede ser un bon exemplu d’esos proyectos efímeros que se dieron na música asturiana, pero que son interesantes de recuperar pa entender na so totalidá’l fenómenu de lareellaboración de la tradición musical asturiana contemporánea.
Suscríbite a les nuestres novedaes
