La música y el baille tradicionales van protagonizar la nueche del sábadu 12 d’abril nel Llagar Lolina de Nava dende les 20h. Trátase de la 29 edición de la Nueche en danza, la «xuntanza de xente pa baillar, tocar y cantar ensin más pretensión que la de pasalo bien», según los sos responsables. La primer edición del eventu foi en marzu de 2015 nel Centru Social de l’Asociación Cultural y de Vecinos de San Luis, en La Nueva (Llangréu). L’éxitu de la convocatoria fizo que la idea cuayare y la Nueche en danza fuere afitándose hasta llegar a cuasique trenta ediciones con cientos de danzantes revitalizando y dando puxu a la música y el baille tradicionales del país. Nesti casu, el Conceyu de Nava y el colectivu Amigos de San Bartolomé collaboren pa facer posible la celebración de la Nueche en danza la selmana próxima.
Suscríbite a les nuestres novedaes
