Dende güei y hasta’l domingu hai ocho cites cola música’l país. Uviéu, Piloña, Llangréu, Teberga, Siero y Nava acueyen unos eventos qu’axunten punk, electrónica, asturianada y música tradicional. Tola información nes noticies publicaes y na Axenda de Musicasturiana.com.
VIENRES 13 DE MARZU
19:00 — Gala Premios AMAS 2026
Teatru Filarmónica (Uviéu)
La gala d’entrega de los Premios AMAS vuelve reconocer el trabayu de músicos, bandes y proyectos destacaos de la escena musical asturiana.
20:00 — Rodrigo Joglar y María Latores
Chigre La Maléfica (L’Infiestu, Piloña)
Actuación del gaiteru Rodrigo Joglar xunto a la intérprete d’asturianada María Latores nun conciertu que combina gaita y canción tradicional.
SÁBADU 14 DE MARZU
12:30 — Taragañu
CSA La Xusticia (La Felguera, Llangréu)
Banda formada por músicos procedentes de grupos como Desaniciu, Sin Emu o Tygers of Wrath. El so soníu bebe del street punk, el Oi!, el metal y el hardcore.
21:00 — PVXARRA
Taberna Narciso (Teberga)
Tríu influenciáu por estilos como’l punk, rock n’ast, hardcore o drum&bass, con referentes como Death Grips, IDLES o Aphex Twin.
21:00 — Nueche en Danza
La Nueva (Llangréu)
Un eventu dedicáu al baille y la música tradicional d’Asturies, impulsáu por colectivos que trabayen pola recuperación y difusión del folclor del país.
DOMINGU 15 DE MARZU
11:30 — XIV Concursu de Canción Asturiana (semifinales)
Teatru Auditoriu de La Pola (Siero)
Últimes semifinales d’esti veteranu concursu dedicáu a la canción asturiana, una cita clave pa la promoción de la asturianada.
12:00 — «¿Cómo visto? Charra d’indumentaria traxe’l país»
Lada (Llangréu)
Actividad entamada por L’Enguedeyu dedicada al traxe tradicional asturianu. La xornada va completase con una espicha.
13:00 — Nun Tamos Toes y Femfarria
CSA L’Apiaderu (Nava)
Actuación del grupu feminista de música tradicional Nun Tamos Toes xunto a la fanfarria de muyeres.
Suscríbite a les nuestres novedaes
