PVXARRA tien yá abierta la preventa de ÁBROME EN CANAL (LO QUE PASÓ DARRÉU VA ABLUCATE), el so primer trabayu discográficu, que va llegar oficialmente’l próximu 5 d’ochobre. El discu pue reservase yá al traviés de Bandcamp, con una edición dixital disponible por 15 euros o más, en casu de que se quiera sofitar con más cantidá. El nuevu trabayu ta formáu por 15 cortes, nuna propuesta que se mueve ente la electrónica, el drum & bass, el glitch, el glitch hop y el rap esperimental.
El repertoriu abre con ‘(INTRO)’ y continúa con temes como ‘BARRU (HG++OI’’)’, ‘NON CHAS QUERO (CHISKERU)’, ‘AYER ROMPIÓSE TOU (PA QUE ME MIRES ASINA)’,’ MARCHA (MARCHA)’, ‘ENLLENANDO VACÍOS (MEDRANA)’, ‘CONTENÍU (COMPARTE)’, ‘PARÁSITU (MOZOS FRAYAOS)’ o ‘TIESLO TOU (NUN QUIES NA)’, ente otros. L’álbum cuenta amás con delles collaboraciones. Alicia Villanueva participa en ‘(TONÁ ROTA)’, SAIBRAN y RADIO COS apaecen en ‘NON CHAS QUERO (CHISKERU)’, Paula Surimi participa en ‘AYER ROMPIÓSE TOU (PA QUE ME MIRES ASINA)’ y DESANICIU collabora en ‘FURACU (COMIÓME)’.
La edición dixital va incluyir streaming y descarga en formatos d’alta calidá, incluyendo MP3 y FLAC, y va tar disponible de manera completa a partir del 5 d’ochobre. Quien faiga la compra en preventa recibe l’accesu al discu cuando se publique oficialmente.
Suscríbite a les nuestres novedaes
