El Grupu de Baille Tradicional San Félix de Candás sigue celebrando los sos 40 años d’esistencia nesti 2023. Pa ello ta llevando alantre dellos talleres na capital carreñina sobre dellos aspectos al rodiu de la cultura tradicional asturiana. El siguiente taller va consistir en deprender a construyir un panderu propiu, ún de los instrumentos tradicionales d’Asturies, cola ayuda del artesanu Xosé Maceda.
La cita va ser el fin de selmana del 29 y 30 d’abril y va poder asistise nún d’estos turnos: sábadu 29 de 10 a 14:30 hores, sábadu 29 de 16 a 20:30 hores y domigu 30 d’abril de 10 a 14:30 hores. L’actividá tien un preciu de 79 euros y inclúi tolos materiales pa marchar pa casa col panderu al acabar el taller. Pa más información y matrícula hai que comunicase per Whatsapp col númberu 676804369.
Suscríbite a les nuestres novedaes
