Va dellos meses que la Taberna Cuévano de La Pola Siero entamó a acoyer una sesión folk el primer miércoles de cada mes qu’entama xunto al multiinstrumentista Dani Álvarez. L’actividá sigue viva y, nesta ocasión, va celebrase dende les 21h d’esti miércoles 12. Amás, la selmana pasada, tamién de miércoles, les pandereteres del conceyu y la contorna averáronse al chigre pa tocar xuntes y montar la so propia sesión, na que tuvieron acompañaes tamién por otros instrumentistes. Espérase que la cita pueda repetise.
Quien quiera tar sollerte de les últimes novedaes del ámbitu de les sesiones folk, pue siguir la páxina web asturtrad.eu creada pol músicu David Fernández, una ferramienta bien afayadiza na que tamién pue topase material didácticu pa deprender a tocar los temes más populares qu’interpreten.
Suscríbite a les nuestres novedaes
