Los díes 6 y 7 de xunu torna a Soto Rei esti eventu pa facer alcordanza d’Aurelio Argel, gran periodista y escritor fallecíu en 2018, que fizo una tremenda llabor de divualgación de la música folk n’Asturies, mayoritariamente dende’l programa «Música para raptar princesas» de Radio Asturias, del que tuvo al cargu bien d’años, dende 1993.
Los Alcuentros ufierten una programación en dos díes, bien llamativa, na llínia d’años anteriores. El vienres 6, a les 21:00, podremos esfrutrar de los conciertos de La Xarangana y Los Berrones, mientres que’l sábadu ufiértase a les 13:00 «El Conciertín», la actividá didáctica de música tradicional a cargu de David Varela, y a les 18:00, los «Fechizocuentos de la Bruxa Lloba» a cargu d’Andrea Lobo, música y cuentacuentos. La bandina La Garrapiella calentará motores a les 19:30, pa dar pasu a los conciertos de la nueche, qu’entamen de nuevu a les 21:00, y nellos tarán presentes Pandereteres de La Ribera, Banda Gaites Fonte Fuécara, Banda Gaites Soto Rei y La Bonturné
L’eventu anuncia que cunta con carpa y chigre, amás de DJ pa zarrar les dos nueches.
Suscríbite a les nuestres novedaes
