Tres del estrenu hai unes selmanes en toles plataformes musicales, yá pue vese en YouTube’l videoclip de ‘SALGUERINAS‘ de Marisa Valle Roso. Ye un villancicu n’asturianu y n’acústicu n’homenaxe a una de les tradiciones asturianes con más personalidá; la de las Salguerinas de Piarnu (Castrillón). La obra audiovisual ta dirixida, grabada y montada por Sara Castaño y Constantino Menéndez (Made by kös).
Cola publicación d’esti videoclip l’artista llangreana zarra un añu nel qu’asoleyó otros cuatro videoclips: ‘El tren de la libertad‘, ‘Cenicientes del carbón‘, ‘La manzana‘ y ‘La tormenta‘, amás del lyric video de ‘La carbonera‘. Ye una amuesa de la importancia del formatu audiovisual pa promocionar la música y del bon llabor que ta desendolcando Marisa Valle Roso nesti sen, al publicar obres mui cuidaes.
Suscríbite a les nuestres novedaes
