La Oficina de Normalización Llingüística de Xixón entama’l sábadu 8 de payares una edición nueva del concursu Xixón Fala en 3. Esta competición consiste en presentar un tema, una idea, una investigación, un proyeutu, un problema social, etc. énte un públicu non especializao, xeneralista y variao. Los temes a tratar divídense en dos estayes: los venceyaos a la cultura y la realidá asturiana -dientro de los qu’entren los rellacionaos cola música asturiana-; y temes de divulgación non venceyaos únicamente a Asturies.
En cada estaya va haber tres premios -de 850 €, 475 € y 225 €- y el miércoles 22 d’ochobre a les 00h remata’l plazu pa inscribise nesti concursu presentando la solicitú a traviés del rexistru electrónicu del Ayuntamientu de Xixón. La xornada va ser nel Salón d’Actos del Centru de Cultura Antiguu Institutu y les bases completes pueden consultase nesti documentu.
Na semeya, ganadores y organizadores de la edición 2023.
Suscríbite a les nuestres novedaes
