¿Quies deprender a baillar y tocar música tradicional? Estes escueles yá abrieron la inscripción

Cola llegada de setiembre, les escueles de música y baille tradicional asturianu entamen a preparar un cursu nuevu de formación nes distintes disciplines venceyaes a la tradición musical del país. Baille, pandereta, gaita, tambor, vigulín, percusión y otros instrumentos formen parte d’una ufierta que s’esparde per dellos conceyos y que permite tanto iniciase nestes disciplines como siguir avanzando nel so deprendizaxe.

Estos díes, delles escueles y profesoráu tán anunciando nes sos redes sociales los distintos cursos, publicando la so ufierta formativa, profesores, díes de les clases, feches y forma de matriculación. Esti ye un resume de les escueles y profesores qu’anunciaron cursos. Calcando en caúna pue vese más información nes sos redes sociales. Les escueles interesaes n’informar de los sos cursos en www.musicasturiana.com pueden facelo rellenando’l formulariu de SIENTI pa esta estaya.

XIXÓN

• Trebeyu
• La Quintana
• Villa de Xixón
• Saxum
• BG Conceyu Xixón
• Raquel Vega Roza

UVIÉU

• Xeitu
• Santi Galguera

AVILÉS

• Escontra’l Raigañu
• Banda de Gaites Villa d’Avilés

SIERO

• El Ventolín

LLANGRÉU

• A Mansalva

CANDÁS

• San Félix

AYER

• El Gumial

SOMAO

• Alba Menéndez

VARIOS CONCEYOS

• Pau Santirso — con clases n’Uviéu, Nava, Xixón y Santu Adrianu.
• Santi Galguera y Marco Zarabozo — con clases n’Uviéu, Les Arriondes, L’Infiestu y Porrúa.

L’entamu de les matrícules vuelve poner de manifiestu la esistencia d’una amplia rede d’escueles, asociaciones y docentes dedicaos a la tresmisión de la música y el baile tradicional asturianu. Una actividá que permite averase a la cultura tradicional dende edaes y niveles bien diversos y que, cursu tres cursu, incorpora nuevos alumnos y alumnes.