La seronda ye tiempu d’amagüestos y esti añu, amás de castañes y sidra, ta habiendo programación de música directo en dellos d’estos eventos que se tán faciendo pel país. Esti sábadu 20 de payares a les 19h, el DJ d’electrónica de raigañu Fruela 757 va llevar la so reggaetoná, hipfolk y technosidre al magüestu qu’entamen nel Centru Social Auxoestionáu L’Apiaderu d’El Remediu (Nava).
Per otru llau, pal próximu sábadu 27 les castañes van asase en Vibañu (Llanes) al ritmu de P’amusquis y Anabel Santiago. Los primeros -formación folk formada polos reputaos músicos de Corquiéu y Baxel Rigu Suárez y Paul Balmori, el multiinstrumentista y músicu en delles formaciones Dani Álvarez, y el fundador de Niundes y bombu na bandina Los Indianos de la Maleta l’Agua, Roberto Tárano – van tocar a les 13h na sesión vermú, mentes que la intérprete de tonada renovadda Anabel Santiago va actuar a les 21h.
Suscríbite a les nuestres novedaes
