Grau acueye’l 27 de payares la Seronda en Danza

Una Nueche en Danza coles actuaciones de Cantaruxare, 6 Riales y L’Andecha Turcipié y un taller de pandereta y baille, van dar forma la Seronda en Danza, l’eventu que va enllenar Grau de baille y música tradicional el próximu sábadu 27 de payares. A les 19h van entamar les actividaes nel Centru d’Infancia y Mocedá La Panera colos talleres «pa nenos, nenas ya mayorinos/as»; ún de pandereta y otru de baille tradicional, gratuitos y nos que se pue participar apuntándose a traviés del corréu electrónicu oij@ayto-grado.es o del teléfonu 985 75 32 01.

Llueu, a les 20h, n’El Frontón (Parque d’Arriba) va entamar la Nueche en Danza coles actuaciones de Cantaruxare -tríu de pandereteros formáu por Xosé Antón “Ambás”, Ramsés Ilesies y Pau Santirso-, la bandina L’Andecha Turcipié, y el tríu femenín de percusión tradicional 6 Riales. La Seronda en Danza ta organizada pol Centru Infancia y Mocedá La Panera , l’Institutu Asturianu de Mocedá, el Serviciu de Normalización Llingüística de Grau, el Conseyu de la Mocedá del Principáu d’Asturies y la Conceyalía de Mocedá de Grau.

Mercar discos de música tradicional na tienda online