En 2020 Rodrigo Cuevas ganaba’l Premiu Camaretá al Meyor Cantar en Llingua Asturiana con «Rambalín» , canción del so últimu discu ‘Manual del Cortejo‘. Por mor d’esti premiu, la Conseyería de Cultura, Política Llingüística y Turismu del Principáu d’Asturies convida al artista a participar nel ciclu Autores nel Camín. Estos alcuentros nun van tener formatu d’actuación musical, sinón de coloquiu centráu na figura de Rambal, personaxe al que Cuevas fai un homenaxe nel so cantar premiáu, Sicasí, pa zarrar cada alcuentru, el músicu va interpretar la pieza de «Rambalín».
Les charres van cellebrase nesta selmana del 13 al 19 d’avientu. El llunes 13 a les 19h va ser na Factoría Cultural d’Avilés, el martes 14 a les 19.30h na Casa la Cultura de Grau, el miércoles 15 a les 19h nel Teatru El Llar de Corvera, el xueves 16 a les 19h nel Teatru Riera de Villaviciosa, el vienres 17 a les 20h nel Teatru Prendes de Candás, el sábadu 18 a les 20h nel Teatru Toreno de Cangas del Narcea y el domingu 19 a les 18.30h na Casa la Cultura de Bimenes.
Suscríbite a les nuestres novedaes
