A primeros de mayu asoleyó Nunca Vencida. Una Idea d’Asturies, ensayu del filólogu y músicu David Guardado nel que repasa la representación d’Asturies a lo llargo los sieglos. Coincidiendo cola publicación d’esta obra de 524 páxines, l’autor facía pa musicasturiana.com una playlist na que rellacionaba 12 cantares colos 12 capítulos del llibru. Esti xueves 20 a les ocho la tarde, el Toma 3 acueye la segunda parte d’esta acción promocional. Guardado va presentar Nunca Vencida nesta llibrería-café xixonesa, pero va centrar el protagonismu nos cantares qu’escoyó y na so rellación cola idea d’Asturies de la que fala la obra. Xicu Ariza, responsable de musicasturiana.com, va acompañar al autor nesta orixinal presentación d’un llibru que ta siendo tou un éxitu de ventes y crítiques.
Suscríbite a les nuestres novedaes
