Yá pue vese n’Encaja2 el videu d’Incra, l’espectáculu que naz del trabayu de los ferreiros de Mazonovo

Andrés Rodrigues y Iván Nespereira son los responsables d'esta obra qu'axunta noise, ambient, soníu industrial y visuales.

El pasáu setiembre estrenábase en LLABoral Incra, una obra del músicu y investigador Andrés Rodrigues (Caldo y Os Rabizos, El Niño de Elche, Pablo Und Destruktion…) y el realizador audiovisual Iván Nespereira qu’amestanNoise, drone, dark ambient y música industrial acompañaes d’audiovisuales con un oxetivu: reformular, repensar y construir una nueva forma d’entender l’oficiu tradicional de los ferreiros de Mazonovo (Santalla d’Ozcos). N’abril esti espectáculu aportó al ciclu Encaja2 del Teatru Xovellanos de Xixón y yá pue vese’l recién estrenáu videu que recueye la so actuación.

«Esta proposta audiovisual presenta a través das semióticas da imaxe e o son no traballo do ferro, un espectáculo industrial que experimenta coa abstracción dos elementos da fragua», desplica Andrés Rodrigues sobre esta obra «que se fusiona de forma iconoclasta cunha deconstrucción dos sons da gaita, expondo unha visión non identitaria do instrumento que permite buscar novos horizontes para crear un espazo sonoro e visual absorbente e intenso». 

Producida por Xabier Erkizia y cola grabación de los ferreiros de Mazonovo en Santalla de Ozcos, Incra ye’l resultáu de más de tres años d’investigación musical y antropolóxica que culminen no que Rodrigues define como «un espectáculo que penetra no máis profundo do ferro, o lume ou a auga» y que fai que «o público pode integrarse dentro dos espazos de traballo das ferreirías protoindustriales e industriales de fronteira Asturias-Galiza».

Tres movimientos

Too ello desendólcase alredor de tres movimientos estremaos: «Un primeiro movemento onde predomina o ambient e os sons espaciais dá lugar a un segundo onde o noise e a música industrial expándense a través dos sons repetitivos sampleados dos mazos industriais de Mazonovo. Por último, un movemento de drone ruidista con gaita pecha a obra, que está unida por dúas entrevistas onde xs ferreirxs Fritz Bramsteild e Paz Prieto abordan o seu oficio desde a perspectiva do visual e o sonoro». L’estrenu foi en LLABoral Centru d’Arte y Creación Industrial, espaciu que seleccionó esti proyectu dientro del so programa de residencies artístiques.

Suscríbite a les nuestres novedaes

Llista d'espera Vamos informate cuando recibamos unidaes. Por favor déxanos embaxo una dirección válida de corréu electrónicu.