Esti sábadu 16 de payares a les 19h estrénase nel Teatru Xovellanos el documental Generación Xixón Sound dientro de la sección de Pases Especiales del Festival Internacional de Cine de Xixón, una obra del director Aure Roces y Médula Producciones fecha cola participación de la RTPA y les collaboraciones del Gobiernu del Principáu d’Asturies y l’Ayuntamientu de Xixón.
El Xixón Sound foi un movimientu musical surdíu na primer metá de los años 90. Nomes como Penélope Trip, Manta Ray, Australian Blonde o Kactus Jack foron parte d’esta escena que cantó mayoritariamente n’inglés, anque dellos de los sos protagonistes teníen compromisu y militancia pa cola llingua asturiana. El músicu, director de cine y escritor Ramón Lluis Bande repasó les característiques d’esti movimientu musical nuna obra editada en 1995.
Na película apaecen les y los protagonistes del Xixón Sound y personalidaes venceyaes a la cultura asturiana y el compromisu col asturianu como Alicia Álvarez, Nacho Vegas, Ramón Lluis Bande, Ruma Barbero y David Guardado.
Suscríbite a les nuestres novedaes
