Yá ta en CD y en toles plataformes dixitales «Rock & Fierro», el segundu discu de la Banda Gaites Camín de Fierro. Nesti trabayu, l’agrupación rodéase d’una banda rock pa dar forma a 12 temes qu’entemecen el soníu d’una banda de gaites col d’una formación rockera. El resultáu ye un trabayu mui orixinal y cuidáu que dende Camín de Fierro presenten asina:
«“Rock & Fierro”, ye un espectáculu que convida a disfrutar de la música dende’l primer minutu y nel que la Banda Gaites Camín de Fierro pon enriba l’escenariu tola so esperiencia musical en compañía d’una banda de rock p’algamar un soníu propiu y innovador. Temes instrumentales y vocales, con tola presencia de la gaita y la percusión de la banda de gaites que s’entemecen y equilibren gracies a los arreglos de Sam Rodríguez, encargáu de dar una sensación d’acabáu a cada pieza».
Suscríbite a les nuestres novedaes
