Viriu publicó Antoloxía.vol.2, un nuevu trabayu discográficu disponible en Bandcamp dende’l 19 de setiembre. El llanzamientu reúne diez cortes nos que’l proyectu aborda cuestiones personales y sociales al traviés de lletres que combinen introspección, inconformismu y crítica.
El discu ábrese con ‘Murnia & Allorie’, una pieza centrada na ansiedá y el maltar emocional, y sigue con ‘Entierros de xente mozo’, una crítica al deterioru social y a la falta d’espectatives de les nueves xeneraciones. El repertoriu inclúi tamién ‘Saraswati Mantra’, ‘Payares ensin aguya’, ‘La Nueche’, ‘Maldegüeyu’, ‘Les Migayes’, ‘A Taragaños’ y ‘El Ferruñu’, amás d’un corte tituláu ‘Númberu trés’.
Les lletres traten temes como la salú mental, la precariedá, la desigualdá, les torgues que condicionen la vida cotidiana y la necesidá de romper coles estructures que perpetúen estes situaciones. En ‘Les Migayes’, por exemplu, la lletra denuncia la esclusión y la falta d’oportunidaes, mientres qu»Entierros de xente mozo’ pon el focu nel abandonu y la falta de futuru.
Antoloxía.vol.2 pue escuchase y mercase en formatu dixital al traviés de la páxina de Viriu en Bandcamp, con descarga en formatos d’alta calidá.
Suscríbite a les nuestres novedaes
