La Taberna Cuévano de La Pola siero sigue cola so actividá de dinamizar la música asturiana con conciertos y otres actividaes. Esti miércoles 27 hai una jam session nueva de pandereta y el sábadu 30 actúa la xoven formación de música tradicional asturiana Rellume.
La jam session de pandereta celébrase a les 21h dientro’l ciclu Los miércoles de la cultura qu’entama esti llocal de La Pola Siero y que da asina continuidá a una iniciativa que nació en 2025. Nella, pandereteres y pandereteros del conceyu y la contorna averáronse a esti míticu chigre pa tocar xuntes y montar la so propia sesión, na que tuvieron acompañaes tamién por otros instrumentistes. L’éxitu de la xuntanza fizo que’l Cuévano repitiera en delles ocasiones la esperiencia y, la d’esti miércoles, va ser una oportunidá nueva pa axuntase en Siero al son de les ruxideres.
D’otra banda, el sábadu 30 a les 22h toquen Rellume, banda formada poles cantantes y pandereteres Ana Feito, Alba Suárez y Alba Estrada, amás de los multiinstrumentistes Edu Llosa y Pablo Fernández. La so propuesta ta formada por repertoriu de música pal baille, respetando les estructures tradicionales, pero con toque personal col que dar un relumbrón nuevu a la pandereta y al so son.
Suscríbite a les nuestres novedaes
